სამარხვო ოსპის წვნიანი-პიურე — რეცეპტი

ოსპი მოათავსეთ ჯამში და კარგად გარეცხეთ გრილი წყლით. ნივრის კბილი და ხახვი გაასუფთავეთ და დაჭერით პატარა კუბიკებად. გადაიტანეთ ოსპი ქვაბში, დაასხით 500 მლ ცივი წყალი. ოსპი სითხით სრულად იყოს დაფარული (მინიმუმ 1 სმ-ით). საჭიროებისამებრ, ჩაასხით კიდევ ცოტა წყალი. დადგით ქვაბი ძლიერ ცეცხლზე, დაელოდეთ ადუღებას, შეამცირეთ ცეცხლი და ხარშეთ ოსპი დარბილებამდე. სითხე თითქმის ბოლომდე უნდა შეიწოვოს.

ოსპის მასას დაუმატეთ 1 ლ ცივი წყალი (ან ბოსტნეულის ბულიონი), დაუმატეთ ხახვის და ნიორის კუბიკები, დაფნის ფოთოლი და ბეგქონდარა. მოაყარეთ მარილი და პილპილით გემოვნებით. მიიყვანეთ ადუღებამდე, ხარშეთ ხახვის დარბილებამდე.

გადმოდგით ქვაბი ცეცხლიდან, ამოიღეთ დაფნის ფოთოლი, გადაასხით სითხე ცალკე ჯამში (ისევ დაგჭირდებათ). ოსპი ბლენდერით დააბლენდერეთ პიურეს კონსისტენციამდე. დადგით პატარა ქვაბი ცეცხლზე, ჩაასხით მცენარეული ზეთი, გააცხელეთ, ჩაყარეთ ფქვილი და მოშუშეთ მუდმივი მორევით დაახლოებით 2 წუთის განმავლობაში. ფქვილს დაუმატეთ ოსპიდან გადასხმული სითხე, სათქვეფით გულდასმით აურიეთ, შემდეგ დაუმატეთ დააბლენდერებული ოსპი. თუშეთ ოსპის წვნიანი-პიურე დაბალ ცეცხლზე დაახლოებით 10 წუთის განმავლობაში.