ანგარიშის წაშლა

ეს გვერდი აღწერს, როგორ წაშალოთ Chefy-ის ანგარიში და მასთან დაკავშირებული მონაცემები. ეს ეხება ვებგვერდს chefy.ge და Chefy-ის მობილურ აპლიკაციას (Android და iOS), რომელთა შემქმნელი და ოპერატორია Chefy. ერთი ანგარიში მოქმედებს საიტზეც და აპლიკაციაშიც, ამიტომ ერთ ადგილას წაშლა ორივეგან შლის მას.

1. როგორ წაშალოთ ანგარიში

აპლიკაციაში: გახსენით პროფილი → პარამეტრები → „ანგარიშის წაშლა" → დაადასტურეთ.

საიტზე: შედით ანგარიშზე → კაბინეტი → პარამეტრები → „ანგარიშის წაშლა" → დაადასტურეთ.

ელფოსტით (თუ აპლიკაცია აღარ გაქვთ ან ანგარიშზე შესვლა ვერ ხერხდება): მოგვწერეთ [email protected] იმ ელფოსტიდან, რომლითაც ანგარიში შექმენით, თემით „ანგარიშის წაშლა". თუ წერილი სხვა მისამართიდან მოდის, ვინაობის დასადასტურებლად შეიძლება გთხოვოთ დამატებითი ინფორმაცია. მოთხოვნას შევასრულებთ არაუგვიანეს 10 სამუშაო დღისა.

თუ Facebook-ით შედიოდით: ზემოთ აღწერილი გზით წაშლის გარდა, შეგიძლიათ Facebook-ის პარამეტრებში (Settings → Apps and Websites) მოხსნათ Chefy-ის წვდომა. ეს Facebook-ს უკრძალავს ჩვენთვის ახალი მონაცემების გადმოცემას, მაგრამ ჩვენთან შენახულ მონაცემებს არ შლის — ამისთვის გამოიყენეთ ზემოთ აღწერილი ერთ-ერთი გზა.

2. რა იშლება

წაშლის დადასტურებისთანავე იშლება:

• ელფოსტა, სახელი, მეტსახელი, ტელეფონი, ფოტო და ბიო;
• პაროლი და შესვლის ყველა ტოკენი (ყველა მოწყობილობაზე გამოხვალთ), ასევე Google-ის, Facebook-ის ან Apple-ის ანგარიშთან კავშირი;
• შენახული რეცეპტები, კვირის მენიუ, მარაგი, საყიდლების სია, კვების დღიური და სხვა პირადი ჩანაწერები;
• კომენტარები, შეფასებები და მოწონებები;
• ქულები და მოწვევის კოდი;
• თანხმობების ჩანაწერები, გარდა იმისა, რისი შენახვაც კანონით გვევალება (იხილეთ მე-3 პუნქტი);
• „სახლის სამზარეულოს" მზარეულის პროფილი და განცხადებები.

გამოქვეყნებული რეცეპტები და ფოტოები: წაშლისას თავად ირჩევთ — წაიშალოს ისინიც, თუ დარჩეს საიტზე ავტორის მითითების გარეშე, ანონიმურად.

3. რა ინახება და რამდენ ხანს

• გაცემული საჩუქრის ჩანაწერი (რა საჩუქარი, როდის და რა ღირებულების, თქვენი სახელის გარეშე) — საბუღალტრო აღრიცხვისთვის, კანონით დადგენილი ვადით (6 წელი). მიწოდების მონაცემები (სახელი, ტელეფონი, მისამართი) იშლება მიწოდებიდან 12 თვის შემდეგ.
• სიახლეების გამოწერის თანხმობისა და გაუქმების ჩანაწერი — გამოწერის დასრულებიდან 1 წელი, როგორც ამას კანონი მოითხოვს.
• დაბლოკილი ანგარიშის ელფოსტა და ტელეფონი — თუ ანგარიში წესების დარღვევის გამო იყო დაბლოკილი, სანამ დაბლოკვა მოქმედებს.
• მიმდინარე საჩივრის ან სამართლებრივი დავის მასალა — დავის დასრულებამდე.
• „სახლის სამზარეულოს" მოთხოვნები, რომლებშიც მყიდველი ან მზარეული იყავით — მოთხოვნის დასრულებიდან 12 თვე, მეორე მხარის უფლებების დასაცავად; შემდეგ იშლება ტელეფონი, მისამართი და შენიშვნა.
• სარეზერვო ასლები — მონაცემები მათგან ავტომატურად იშლება არაუგვიანეს 30 დღისა.
• სერვერის ტექნიკური ჟურნალები — არაუგვიანეს 90 დღისა.

4. მხოლოდ ნაწილის წაშლა

თუ ანგარიშის შენარჩუნება გსურთ, მაგრამ გინდათ წაშალოთ კონკრეტული მონაცემები (მაგალითად, რეცეპტი, კომენტარი, კვების დღიური ან ტელეფონი), ამის გაკეთება შეგიძლიათ თავად, კაბინეტში ან აპლიკაციაში. თუ რამე ვერ წაშალეთ, მოგვწერეთ [email protected].

5. კონტაქტი

Chefy

ელფოსტა: [email protected]