სოკოს წვნიანი ფეტვითა და ნიგვზით — რეცეპტი

ფეტვის ბურღული კარგად გარეცხეთ ცივ წყალში, ჩაყარეთ ქვაბში, დაასხით 1300 მლ სასმელი ცივი წყალი და მიიყვანეთ ადუღებამდე. ოდნავ მოაყარეთ მარილი, შეამცირეთ ცეცხლი საშუალომდე და ხარშეთ 20 წუთის განმავლობაში, მზადყოფნამდე. გაასუფთავეთ და წვრილად დაჭერით ხახვი და ნიორი. სოკო დაჭერით პატარა ნაჭრებად. დიდ ქვაბში, საშუალო ცეცხლზე, გააცხელეთ 20 მლ ზეთი და ხშირად მორევით შეწვით ხახვი და ნიორი გამჭვირვალობამდე.

დაამატეთ სოკო და შეწვით დაახლოებით 15 წუთი, სანამ სითხის დიდი ნაწილი არ აორთქლდება. სოკოს მოაყარეთ პილპილი, ჩაასხით ბულიონი, მიიყვანეთ ადუღებამდე და ხარშეთ 5 წუთი. გააცხელეთ ღუმელი 180°C-მდე. ბაგეტი გაჭერით სიგრძეზე შუაზე, შემდეგ კი — 15 სმ სიგრძის ნაჭრებად. პურს მოასხით ზეითუნის ზეთი და დააწყვეთ პერგამენტდაფენილ საცხობ ფირფიტაზე. იქვე მოათავსეთ ნიგოზი. შედგით ფირფიტა ღუმელში და აცხეთ ნიგოზი 5 წუთი, ხოლო პური — 10 წუთი, ოქროსფერ ქერქამდე. პურს წაუსვით ნივრის კბილი. ნიგოზი მსხვილად დაკეპეთ.

წვნიანის ნახევარი გადაასხით ბლენდერის თასში და დააბლენდერეთ არაერთგვაროვან პიურემდე. დააბლენდერებული წვნიანი დააბრუნეთ ქვაბში და ჩაასხით სოიოს სოუსი. თეფშებზე გადაანაწილეთ ცხელი ფეტვის ფაფა და დაასხით წვნიანი, მოაყარეთ ნიგოზი და წვრილად დაჭრილი ოხრახუში. მიირთვით შემწვარ ბაგეტთან ერთად.