სამარხვო ფორთოხლის ღვეზელი — რეცეპტი

გააცხელეთ ღუმელი 175 გრადუსამდე. მოსახსნელძირიან ფორმას ჩაუფინეთ საცხობი ქაღალდი. წაუსვით ქოქოსის ზეთი და ძირზე მოაყარეთ შაქარი. ფორთოხალს გააცალეთ კანი, თეთრი ნაწილისა და ძარღვებისგან. დაჭერით ფორთოხალი რგოლებად და მჭიდროდ ჩააწყვეთ ფორმის ძირში, ნაჭრებით შეავსეთ ყველა შუალედი.

სათქვეფით ჭურჭელში შეურიეთ ნუშის რძე, ძმარი, ვანილის ექსტრაქტი, მცენარეული ზეთი (ფორთოხლიან სამარხვო ღვეზელში ნუშის რძე შეგიძლიათ ჩაანაცვლოთ ქოქოსის ან სოიოს რძით). ცალკე, დიდ ჭურჭელში კოვზით ან სათქვეფით შეურიეთ ფქვილი, გამაფხვიერებელი, მარილი, შაქარი (მნიშვნელოვანია, რომ მშრალი ინგრედიენტები ცალკე აურიოთ და არა ერთბაშად ჩაყაროთ).

მომზადებული ფქვილი დაუმატეთ ნუშის რძეს, დაუყოვნებლივ და გულდასმით აურიეთ. ინგრედიენტები საკმაოდ სწრაფად უერთდება ერთმანეთს და ცომის აფუება (გამაფხვიერებლის მოქმედება) იწყება უკვე ზელის პროცესში. დაუმატეთ მომზადებული ცომი ფორმაში ჩალაგებულ ფორთოხალს.

გამოაცხვეთ ფორთოხლიანი სამარხვო ღვეზელი ღუმელში 50-55 წუთის განმავლობაში. შეამოწმეთ მზაობა მშრალი ხის ჩხირით (ის მშრალი უნდა დარჩეს). მზა ღვეზელს აცადეთ 5-10 წუთი შეგრილება და გადაიტანეთ ლანგარზე.