სამარხვო ბორში — რეცეპტი

ჭარხალი, სტაფილო, კარტოფილი და ხახვი გაასუფთავეთ და დაჭერით თხელ ჩხირებად. კომბოსტო გაასუფთავეთ ზედა ფოთლებისგან, გადაავლეთ წყალი და წვრილად დაჭერით. პომიდვრებს გადაასხით მდუღარე წყალი, მოაცალეთ კანი და დაჭერით კუბიკებად. ნიორი გაასუფთავეთ და დაჭყლიტეთ.

ბორშის მოსახარშად გამზადებულ დიდ ქვაბში აადუღეთ წყალი, ოდნავ მოაყარეთ მარილი. ჩადეთ კარტოფილი და კომბოსტო, ხარშეთ დაბალ ცეცხლზე. იმავე დროს ტაფაზე გააცხელეთ მცენარეული ზეთი, ჩადეთ ხახვი და სტაფილო. შეწვით მუდმივი მორევით 5 წუთის განმავლობაში.

დაუმატეთ მომზადებული ჭარხლის ნახევარი, ძმარი და შაქარი. მოურიეთ, შეამცირეთ ცეცხლი მინიმუმამდე და თუშეთ 10 წუთი. დარჩენილი ჭარხალი ჩადეთ ჯამში, დაასხით მდუღარე წყალი, დაამატეთ 1 ჩ.კ. ძმარი და გააჩერეთ (მიღებული ჭარხლის წვენი მომზადების ბოლოს დაგჭირდებათ იმისათვის, რომ ბორშის ფერი უფრო მკვეთრი და ნათელი გახდეს).

ბოსტნეულიან ტაფას დაუმატეთ პომიდორი, მოაყარეთ მარილი და პილპილი გემოვნებით, დააფარეთ თავსახური და თუშეთ კიდევ 20 წუთი. მოთუშული ბოსტნეული გადაიტანეთ კარტოფილიან და კომბოსტოიან ქვაბში.

დაუმატეთ დაფნის ფოთოლი. გაზარდეთ ცეცხლი, მიიყვანეთ სამარხვო ბორში ადუღებამდე, ქაფქირით ფრთხილად მოხადეთ ქაფი. სამარხვო ბორშს დაუმატეთ ნიორი. დააფარეთ თავსახური და მაშინვე გადმოდგით ცეცხლიდან. დატოვეთ თავსახურქვეშ 10 წუთით.