ცხვრის ტოლმა — რეცეპტი

თავდაპირველად დაგჭირდებათ: ცხვრის ცხიმიანი ფარში, ორი საშუალო ხახვი და პურის ნაჭერი (შეგიძლიათ არც დაუმატოთ). მზა ფარშს დაამატეთ ხორცსაკეპ მანქანაში გატარებული ხახვი, შემდეგ კი პური. ხორცის მასას დაამატეთ სანელებლები გემოვნებით (შეგიძლიათ დაუმატოთ ნაკლები ან პირიქით). ფარშს დაამატეთ ქინძი და ყველაფერი კარგად გადაზილეთ.

პარალელურად, ფრთხილად დაანევრეთ კომბოსტოს ფოთლები, ჩაალაგეთ ქვაბში, გაავსეთ ცივი წყლით, დაამატეთ მარილი, დააფარეთ თავსახური და დაელოდეთ, სანამ ოდნავ წამოდუღდება. რამოდენიმე წუთის შემდეგ შეამოწმეთ კომბოსტო — მნიშვნელოვანია არ გადაიხარშოს, საკმარისია იყოს რბილი! ამოიღეთ საწურზე და დაელოდეთ 7-10 წუთი, რომ გაგრილდეს.

ფარში გადაახვიეთ კომბოსტოს ფოთლებში ისე, რომ შიგთავსი არ ჩანდეს და ჩაალაგეთ ქვაბში. დაამატეთ ორი ჭიქა წყალი, დააფარეთ თავსახური და დადგით საშუალო/დაბალ ცეცხლზე. ამზადეთ დაახლოებით 1.5-დან 2 საათამდე. არავითარ შემთხვევაში არ ამოურიოთ!