ჩაშუშული ღორის ხორცი ნაღებისა და ტომატის სოუსში — რეცეპტი

ღორის რბილი, მჭლე ხორცი დაჭერით დაახლოებით 3x3 სანტიმეტრის ზომის ნაჭრებად. მზესუმზირის ზეთი დაასხით ღრმა ტაფაზე, გაახურეთ საშუალო ცეცხლზე, დაყარეთ ხორცი და შეწვით მოყავისფრო-ოქროსფრამდე.

წვრილად დაჭერით ხახვი, დაუმატეთ ხორცს და გააგრძელეთ ხორცის შეწვა-მოშუშვა ნელ ცეცხლზე. ამ ეტაპზე შეგიძლიათ დაამატოთ ცოტა წყალი, მაქსიმუმ 100 მლ.

კარგად გარეცხეთ ქამა სოკო, გააშრეთ, დაჭერითსასურველ ზომებად და დაამატეთ ხორცს..შუშეთ ყველაფერი ერთად, სანამ ხორცი არ დარბილდება.

დაუმატეთ ტომატის პასტა და 200 მლ ცივწყალში გახსნილი პურის ფქვილი. ასევე დაამატეთ დაფნის ფოთოლი და შავი პილპილი გემოვნებით. აურიეთ ყველაფერი და ადუღეთ ცეცხლზე, სანამ საუსი არ შესქელდება.

ამის შემდეგ დაუმატეთ ნაღები, მარილი გემოვნებით და ადუღეთ თავდახურული ტაფაში დაბალ ცეცხლზე კიდევ 10 წუთი. კერძი ამის შემდეგ მზადაა და შეგიძლიათ მიირთვათ გემრიელად ნებისმიერ თქვენთვის სასურველ გარნირთან ერთად.