ტოლმა ვაზის ფოთოლში — რეცეპტი

ნაბიჯი 1: ფოთლების მომზადება გარეცხეთ ნედლი ვაზის ფოთლები და ჩააწყვეთ მდუღარე წყალში 2 წუთით. როგორც კი ფერს შეიცვლის (გამუქდება), ამოიღეთ და გადაწურეთ. მოაჭერით ფოთლებს მაგარი ყუნწები. თუ დაკონსერვებულ ფოთოლს გამოიყენებთ, მხოლოდ გარეცხვა და თბილი წყლის გადავლება დასჭირდება

ნაბიჯი 2: ფარშის მომზადება გაატარეთ ხორცსაკეპში საქონლისა და ღორის ხორცი (ან გამოიყენეთ მზა შერეული ფარში). 300 გრამი ხახვი, ქინძი, ოხრახუში, პიტნა და წიწაკა ერთად გაატარეთ ხორცსაკეპში ან კარგად დააბლენდერეთ ჩოპერში ერთგვაროვანი, წვნიანი მასის მიღებამდე. მიღებული მწვანე მასა დაუმატეთ ხორცს. ჩააყარეთ გარეცხილი უმი ბრინჯი, მარილი, ძირა და ხელით კარგად მოზილეთ, რომ ხორცმა მწვანილისა და ხახვის წვენი სრულად შეიწოვოს.

ნაბიჯი 3: ტოლმის გახვევა გაშალეთ ფოთოლი პრიალა (გლუვი) მხრიდან ქვემოთ, ძარღვიანი მხარე კი ზემოთ მოაქციეთ. დაადეთ შუაში ფარში (ფოთლის ზომიდან გამომდინარე). გადაკეცეთ ფოთლის ქვედა ნაწილი ფარშზე, შემდეგ შემოუკეცეთ გვერდები და მჭიდროდ გადაახვიეთ რულონივით.

ნაბიჯი 4: ქვაბში ჩალაგება და მოხარშვა ქვაბის ძირში ჩააფინეთ ვაზის რამდენიმე ფოთოლი. მჭიდროდ, ფენებად ჩააწყვეთ ტოლმები (გადაბმის ადგილით ქვემოთ). ზემოდან დაადეთ გადმობრუნებული მძიმე თეფში, რომ დუღილისას ტოლმები არ დაიშალოს. დაასხით წყალი ისე, რომ თეფშს ოდნავ გადაუაროს. მიიყვანეთ დუღილამდე საშუალო ცეცხლზე, შემდეგ დაუწიეთ მინიმუმამდე და ხარშეთ თავდახურული 60 წუთი, სანამ ბრინჯი და ფოთოლი კარგად არ მოიხარშება. მიირთვით ცხელი, ნივრიან მაწონთან ერთად.