სტაფილოსა და ვაშლის სალათი — რეცეპტი

ქიშმიში გარეცხეთ, შეიმშრალეთ, ჩაყარეთ ჭიქაში და დაასხით მდუღარე წყალი. გააჩერეთ 10-15 წუთი, სანამ სხვა ინგრედიენტებს ამზადებთ. სტაფილო გარეცხეთ, გაასუფთავეთ და გადაავლეთ მდუღარე წყალი. გახეხეთ საშუალო ზომის სახეხზე. ვაშლი გარეცხეთ, გააცალეთ კანი და გაასუთავეთ გულისგან. გახეხეთ იმავე სახეხზე, როგორითაც სტაფილო. გახეხილ ვაშლს მოასხით ლიმონის წვენი და მოურიეთ, რომ რბილობი არ „დაჟანგდეს“ და თეთრი ფერი შეინარჩუნოს. სალათის ჯამში ერთმანეთს შეურიეთ სტაფილო, ვაშლი და ქიშმიში, დაუმატეთ შაქარი, მარილი გემოვნებით და ზეთი და კარგად აურიეთ. სალათი გააჩერეთ 7-10 წუთი, რომ წვენები ერთმანეთს შეერწყას.