სიმინდის კრემ-სუპი — რეცეპტი

ხახვი გავფცქვნათ და დავჭრათ წვრილად. სტაფილოსა და კარტოფილს მოვაშოროთ კანი და ორივე დავჭრათ ერთი ზომის წვრილ კუბებად. ეს იმისთვის გვჭირდება, რომ ბოსტნეული ერთდროულად მომზადდეს.

ქვაბში გავახუროთ ზეითუნის ზეთი და მოვშუშოთ ქათმის სანელებლების ნაზავი 1-2 წუთის განმავლობაში. დავუმატოთ წვრილად დაჭრილი ხახვი და 5 წუთის მერე კუბებად დაჭრილი სატფილო და კარტოფილი. ბოსტნეულს დავუმატოთ წყალი, ბულიონის კუბი და ვხარშოთ 20 წუთის განმავლობაში, სრულ მზადყოფნამდე.

ბოლოს დავუმატოთ დაკონსერვებული სიმინდი და ვხარშოთ კიდევ 7-8 წუთი. ასევე შესაძლებელია ნედლი სიმინდის გამოყენებაც ან გაყინულის, თუმცა ამ შემთხვევაში წვნიანის ხარშვა ცოტა უფრო დიდხანს, 10-15 წუთი მოგიწევთ. მზა წვნიანს ვაბლენდერებთ ერთგვაროვანი მასის მიღებამდე. კრემ-სუპს ვასხამთ პორციულ თეფშებზე და ვაფორმებთ მწვანილით.