ოსტრი — რეცეპტი

საქონლის ხორცი დაჭერით მცირე ზომის მოგრძო ნაჭრებად. მოათავსეთ ქვაბში, დაასხით იმდენი წყალი, რომ ხორცი კარგად დაფაროს და ზემოდან დაახლოებით 2 სანტიმეტრით მეტი იყოს. აადუღეთ, მოხადეთ ქაფი, დაუმატეთ დაფნის ფოთოლი და ერთად ხარშეთ, სანამ ხორცი სანახევროდ არ მოიხარშება და წვენს ბოლომდე არ შეიშრობს. როცა ხორცი წვენს შეიშრობს, დაუმატეთ კარაქი, წვრილად დაჭრილი ხახვი და მოშუშეთ ერთად 10 წუთის განმავლობაში.

დაუმატეთ ტომატ-პასტა, გახეხილი (ან დაბლენდერებული) პომიდორი, დანაყილი ნიორი, აჯიკა და შუშეთ 2 წუთი, შემდეგ დაასხით მდუღარე წყალი ისე, რომ ხორცს ფარავდეს და ხარშეთ დაბალ ცეცხლზე ხორცის სრულ დარბილებამდე.

დასრულებამდე 5 წუთით ადრე დაუმატეთ დაჭრილი მწვანილი, თუ საჭირო იქნება დაუმატეთ მარილი და სიცხარე თქვენი გემოვნებით და კერძიც მზადაა.