მეგრული ხარჩო ძროხის ხორცით — რეცეპტი

ძროხის ხორცი დაჭერით 4-5 სმ ზომის კუბებად. მოათავსეთ ქვაბში, დაასხით ცივი წყალი და მიიყვანეთ ადუღებამდე. პირველი 10 წუთის განმავლობაში ინტენსიურად მოხადეთ ქაფი. ხარშეთ დაბალ ცეცხლზე 1.5 საათი. ხორცი რომ დარბილდება, ამოიღეთ, ხოლო ბულიონი წვრილ საცერში გადაწურეთ.

სქელძირიან ქვაბში ჩაყარეთ ძალიან წვრილად დაჭრილი ხახვი, დაასხით ბულიონიდან მოხდილი ცხიმი და მოშუშეთ გამჭვირვალობამდე. დაუმატეთ მოხარშული ხორცი და 5 წუთი ერთად შუშეთ.

ქვაბში ჩაასხით მომზადებული პომიდვრის მასა და აცალეთ დუღილი 7-10 წუთი, სანამ მჟავიანობა არ განეიტრალდება.

ცალკე ჯამში მოათავსეთ ორჯერ გატარებული ნიგოზი, უცხო სუნელი, ხმელი ქინძი, ყვითელი ყვავილი, აჯიკა, დანაყილი ნიორი და სიმინდის ფქვილი. ნელ-ნელა დაასხით თბილი ბულიონი და სათქვეფით თქვიფეთ, სანამ არ მიიღებთ თხელი არაჟნისებრი კონსისტენციის ერთგვაროვან მასას კოშტების გარეშე.

მიღებული ნიგვზიანი მასა ნელა ჩაასხით ქვაბში ხორცთან, დაუმატეთ დარჩენილი ბულიონი სასურველ სისქემდე და დაუმატეთ ძმარი.

ადუღეთ მინიმალურ ცეცხლზე 15 წუთი. ბოლოს დააყარეთ მარილი და გადმოდგით ცეცხლიდან.