ქართლური ნაზუქი — რეცეპტი

თბილ რძეში გახსენით საფუარი და 1 სუფრის კოვზი შაქარი. ცალკე ჭურჭელში ათქვიფეთ კვერცხი და დარჩენილი შაქარი, დაუმატეთ გამდნარი კარაქი და ყველა სუნელი (ქართლური ნაზუქის მთავარი საიდუმლო სუნელების სიუხვეა). ფქვილი გაცერით დიდ თასში, დაუმატეთ საფუარიანი რძე, კვერცხიანი ნაზავი და ხელით კარგად მოზილეთ არომატული ცომი. ზელვის დასასრულს შეაზილეთ ქიშმიში და დატოვეთ ცომი თბილ ადგილას 1.5 საათით, ასაფუებლად.

აფუებული ცომი გაყავით 5 გუნდად. თითოეულ გუნდას ხელით მიეცით მოგრძო, ნახევარმთვარისებრი (დედას პურის მსგავსი) ფორმა. დაალაგეთ საცხობ ფორმებზე, დააფარეთ ტილო და 15 წუთი კიდევ დაასვენეთ. ზედაპირზე უხვად წაუსვით კვერცხის გულისა და 1 კოვზი რძის ნაზავი. გამოაცხვეთ 180 გრადუსზე გახურებულ ღუმელში 25-30 წუთი, სანამ ნაზუქი არ მიიღებს მუქ, პრიალა ოქროსფერ-ყავისფერ შეფერილობას.