კახური ნაზუქი — რეცეპტი

კახური ნაზუქი, ქართლურისგან განსხვავებით, არ არის ტკბილი სუნელებიანი პური — ის არის ნოყიერი, თონის სადღესასწაულო პური. ფქვილში აურიეთ საფუარი, მარილი და 1 კოვზი შაქარი. დაასხით წყალი და მოზილეთ პურის ტრადიციული ცომი. ბოლოს შეაზილეთ ცოტა ზეთი, რათა ცომი გახდეს გლუვი. დააფარეთ და დატოვეთ ასაფუებლად 1 საათით. სანამ ცომი აფუვდება, მოამზადეთ გულსართი: სქელძირიან ტაფაზე გაახურებულ ზეთში მოშუშეთ წვრილად დაჭრილი ხახვი, დაუმატეთ ცოტა შაქარი, მარილი და ბოლოს ფქვილი, რომ მასა შეიკრას. ამის შემდეგ გადმოდგით ტაფა და გულსართი გააციეთ.

ამასობაში აფუებული ცომიდან ჩამოაყალიბეთ 5 გუნდა, ხელით გააბრტყელეთ, შუაში მოათავსეთ გულსართი, მოუკარით პირი (დაახლოებით ისე როგორც ხაჭაპურს) და ოდნავ გააბრტყელეთ ნაზუქი, რომ გულსართი კარგად გაიშალოს შიგნით. ტრადიციულად ნაზუქებს აცხობენ თონეში, თუმცა სახლის პირობებში მოათავსეთ მაქსიმალურად გახურებულ ღუმელში (240 გრადუსი) და აცხვეთ 12-15 წუთი სრულ დაბრაწვამდე.