ინდაურის შმწვარი ფილე წითელი მოცვის სოუსში — რეცეპტი

ინდაურის ფილე გარეცხეთ, შეაშრეთ და დაჭერით ულუფებად. გადაიტანეთ თასში, მოაყარეთ იტალიური სანელებლები, პილპილი, კარგად აურიეთ და დაამატეთ სოიოს სოუსი და 3-4 კბილი ნიორი). დააფარეთ თავსახური და შედგით მაცივარში დასამარინადებლად 2-3 საათით.

სანამ ფილე მარინადდება, მოამზადეთ წითელი მოცვის სოუსი: გარეცხეთ წითელი მოცვი, ჩაყარეთ პატარა ქვაბში, დაასხით ცივი წყალი, მიიყვანეთ ადუღებამდე და მაშინვე გადმოდგით ცეცხლიდან. ნახევარი ჩაასხით ჭიქაში და გადადით გვერდზე. დარჩენილი ნახარში კენკრასთან ერთად გახეხეთ საცერში. მიღებული მასა ისევ დადგით დაბალ ცეცხლზე. დაამატეთ ღვინო, შაქარი, მარილი, დარიჩინი, მიხაკი და პილპილი.

ადუღეთ 5-10 წუთის განმავლობაში. გამორთეთ ცეცხლი, დაამატეთ ცოტა ცივ წყალში გახსნილი სახამებელი, გულდასმით აურიეთ და გააგრილეთ სოუსი. დამარინადებული ინდაურის ფილე შეწვით. ნელ-ნელა დაასხით გადანახული წითელი მოცვის ნახარში, დააფარეთ თავსახური და შუშეთ დაბალ ცეცხლზე სრულ მზადყოფნამდე, დაახლოებით 20 წუთით. თეფშზე მოათავსეთ შემწვა-ჩაშუშული ფილე, მოასხით წითელი მოცვის სოუსი და მიირთვით საყვარელ გარნირთან ერთად!