იხვის ბორშჩი და შავი ქლიავით — რეცეპტი

იხვის ნაჭრები მოათავსეთ ქვაბში და დაასხით სუფთა ცივი წყალი (შეგიძლიათ გამოიყენოთ იხვის ნებისმიერი ნაწილი). ქვაბი დადგით მაღალ ცეცხლზე, მიიყვანეთ ადუღებამდე და მოაცილეთ ქაფი. შემდეგ დაუწიეთ ცეცხლს და ხარშეთ ბულიონი 15 წუთის განმავლობაში. სანამ იხვი იხარშება, გაასუფთავეთ ჭარხალი და დაჭერით წვრილ ჩხირებად. დაამატეთ ჭარხალი ბულიონს, მიიყვანეთ ადუღებამდე და გააგრძელეთ ხარშვა კიდევ 30 წუთის განმავლობაში.

ამასობაში გაასუფთავეთ კარტოფილი, დაჭერით კუბებად, დაამატეთ ბულიონს, მიიყვანეთ ადუღებამდე და ხარშეთ ბორშჩი კარტოფილის თითქმის სრულ მზადყოფნამდე. სანამ კარტოფილი იხარშება, მოამზადეთ საკმაზი: გაასუფთავეთ ხახვი და სტაფილო, ხახვი დაჭერით კუბებად, ხოლო სტაფილო გახეხეთ მსხვილ სახეხზე. მოშუშეთ ხახვი და სტაფილო ზეთში, დაამატეთ ტომატპასტა და ამზადეთ დაბალ ცეცხლზე კიდევ 5 წუთით. პარალელურად გრძლად, წვრილად დაჭერით თეთრი კომბოსტო.

როდესაც კარტოფილი თითქმის მზად იქნება, ბულიონი დაამარილით გემოვნებით, ჩააყარეთ კომბოსტო და აურიეთ. ადუღების შემდეგ ხარშეთ დაბალ ცეცხლზე კომბოსტოს დარბილებამდე. შემდეგ დაამატეთ ტომატიანი საკაზმი, აურიეთ და ადუღეთ კიდევ 5 წუთის განმავლობაში.

ბოლოს ჩაამატეთ დაჭყლეტილი ნიორი და საშუალო ნაჭრებად დაჭრილი შავი ქლიავი. ბორშჩი მიიყვანეთ ადუღებამდე და გადმოდგით ქვაბი ქურიდან. დატოვეთ დასაყენებლად 15 წუთით და ცხლად მიიტანეთ სუფრასთან! გემრიელად მიირთვით.