ღუმელში გამომცხვარი ქათამი ვაშლის შიგთავსით — რეცეპტი

მოამზადეთ ქათმის მარინადი: ჯამში ჩაყარეთ დაფქული შავი პილპილი და ხმელი რეჰანი. დაამატეთ მარილი, თაფლი, სანელებლები, დაამატეთ ტომატპასტა და კარგად აურიეთ მარინადის ყველა ინგრედიენტი.

მთლიანი ქათამი გარეცხეთ და გააშრეთ ქაღალდის პირსახოცით. გულდასმით წაუსვით მომზადებული მარინადი შიგნიდან და გარედან და შეინახეთ მაცივარში მინიმუმ 2-3 საათით, უკეთესია მთელი ღამით. ვაშლი გარეცხეთ, დაჭერით, ამოაჭერით გული და დამარინადებული ქათამი მჭიდროდ ამოავსეთ დაჭრილი ვაშლით. იმისათვის, რომ ქათმის ბარკლის ძვლები ღუმელში არ დაიწვას, ბოლოებში შემოახვიეთ ფოლგა.

გამოაცხვეთ ქათამი ღუმელში პირველი 20 წუთის განმავლობაში 190-200 გრადუს ტემპერატურაზე. შემდეგ ტემპერატურა შეამცირეთ 180 გრადუსამდე და გააგრძელეთ გამოცხობა კიდევ 40-50 წუთი. პერიოდულად წაუსვით ქათამს მისივე გამოყოფილი წვენი. მზადყოფნა შეამოწმეთ კბილის ჩხირით ან ბასრი დანით. თუ ჩხვლეტისას ქათმიდან გამჭვირვალე წვენი გადმოდის, ესე იგი ის მზადაა.