ძროხის ხორცით ფარშირებული გამომცხვარი ქათმის რულეტი — რეცეპტი

ძროხის ხორცი გაატარეთ ხორცსაკეპში, მოაყარეთ მარილი, პილპილი, დაამატეთ 2 სუფრის კოვზი ცივი წყალი და კარგად აურიეთ. ფარშს დაამატეთ ბოსტნეული და აურიეთ. ქათამს ფრთხილად მოაცილეთ ხორცი (შეძლებისდაგვარად შეინარჩუნეთ კანი), ოდნავ დაბეგვეთ, მიეცით მართკუთხედის ფორმა, მოაყარეთ მარილი და პილპილი.

ქათმის ხორცზე დაადეთ ბოსტნეულიანი ფარში და ფრთხილად გადაახვიეთ რულეტად. ფოლგას წაუსვით მცენარეული ზეთი, მოაყარეთ სანელებლები, დაადეთ ქათმის რულეტი და მჭიდროდ შეახვიეთ. გამოაცხვეთ რულეტი 180°C-მდე გაცხელებულ ღუმელში 45-50 წუთის განმავლობაში.