ბოსტნეულის რაგუ ქათმის ხორცით და ლობიოთი — რეცეპტი

პირველ რიგში კარგად გარეცხეთ და მოხარშეთ ლობიო. ხარშვისას წყალს მარილი არ დაამატოთ. ბოლოს, როცა ლობიო მოიხარშება, წყალი გადაღვარეთ და ქვაბი ცოტა ხნით განზე გადადგით. ქათმის ფილე დაჭერით ნაჭრებად, მოაყარეთ მარილი გემოვნებით და შეწვით მცენარეულ ზეთში. .

ხახვი დაჭერით ალყა-ალყა, დაამატეთ ხორცს და შუშეთ ოქროსფერი ელფერის მიღებამდე. სტაფილო დაჭერით ოთხად, დაამატეთ ხორცსა და ხახვს, შუშეთ საშუალო ცეცხლზე 5 წუთის განმავლობაში. პომიდორი მოათავსეთ მდუღარე წყალში და გააჩერეთ 5 წუთით. ამის შემდეგ პომიდორს მოაშორეთ კანი, დაჭერითკუბებად, დაამატეთ ხორცსა და ბოსტნეულს და შუშეთ 5 წუთი.

ბულგარული წიწაკა და ნიორი დაჭერით ჩხირებად და დაამატეთ დანარჩენ ინგრედიენტებს. შუშეთ ბოსტნეული 5 წუთის განმავლობაში. მოაყარეთ მარილი და პილპილი გემოვნებით და ბოლოს დაამატეთ მოხარშული ლობიო და შუშეთ დაბალ ცეცხლზე კიდევ 2-3 წუთი. ბოსტნეულის რაგუ ქათმითა და ლობიოთი მზადაა.