უზბეკური ფლავი — რეცეპტი

გაფცქვენით ბოსტნეული: ორ-ორი სტაფილო და ხახვი, ხოლო ნივრის თავს მხოლოდ ზედა ფენა მოაცილეთ. ბრინჯი კარგად გარეცხეთ და დაალბეთ თბილ წყალში და დატოვეთ წყალში ფლავში დამატების მომენტამდე. ხახვი დაჭერით ალყა-ალყა.

კუბებად დაჭერით კარგი, ცხიმიანი ძროხის ხორცი. ღრმა ტაფაში გახურებულ ზეთში, მუდმივი რევით, კარგად მოშუშეთ ხახვი. დაამატეთ ხორცი და შუშეთ მუდმივი რევით დაახლოებით 5 წუთი. სტაფილო დაჭერით ჩხირებად, გადააანაწილეთ ხორცზე თანაბარ ფენად, დაახლოებით 3 წუთის შემდეგ აურიეთ და განაგრძეთ შეწვა. დაამატეთ ძირა და სანელებლები სურვილისამებრ.

დაამატეთ ნივრის მთლიანი თავი და 2 ცალი პატარა ან ერთი დიდი ცხარე წიწაკა. დაასხით ყველაფერს მდუღარე წყალი ისე, რომ 1-1.5 სმ-ით დაფაროს ინგრედიენტები და მოაყარეთ მარილი გემოვნებით. ადუღების შემდეგ ხარშეთ დაახლოებით 40 წუთი საშუალო ცეცხლზე.

ამის შემდეგ თანაბარ ფენად მოაბნიეთ წყალში დამბალი და გადაწურული ბრინჯი და მოასხით დაახლოებით ნახევარი ლიტრი მდუღარე წყალი. უმჯობესია მთელი წყალი ერთიანად არ დაასხათ, დამატება მოგვიანებითაც შეიძლება, ხოლო თუ ზედმეტი მოგივათ — გამოსწორება გაჭირდება. ამზადეთ საშუალო ცეცხლზე, მანამ სანამ ბრინჯი არ მოიხარშება და წყალი მთლიანად არ შეიწოვება. ამის შემდედ მჭიდროდ დააფარეთ ტაფას თავსახური, გადადგით ქურიდან და დატოვეთ კერძი ამ მდგომარეობაში 25 წუთით რათა ბრინჯი ფანტელა გახდეს.

ფლავი მზადაა. ფრთხილი შენჯღრევით აურიეთ, ამოიღეთ ნიორი და ცხარე წიწაკა თეფშზე. ფლავი გორაკისებურად გადაიტანეთ დიდ ლანგარზე.