ცხვრის ხორცის ღვეზელი — რეცეპტი

დიდ ტაფაში დაბალ ცეცხლზე გაახურეთ ცოტაოდენი ზეითუნის ზეთი და მოშუშეთ დაჭრილი ნიორი, ხახვი და ნიახური კურკუმასთან, დარიჩინთან და ძირასთან ერთად 10-15 წუთის განმავლობაში ბოსტნეულის დარბილებამდე, ისე რომ არ დაბრაწოთ. გადაიტანეთ ჯამში და გადადეთ.

ტაფაში მოათავსეთ ცხვრის ფარში, ოდნავ მოუმატეთ ცეცხლს და შეწვით რამდენიმე წუთის განმავლობაში სანამ კარგად არ დაიბრაწება (თან ურიეთ რომ შეკრული მასა არ გამოგივიდეთ). ტაფაში დააბრუნეთ მოშუშული ბოსტნეული, დაუმატეთ ხმელი შტოში, ყვავილოვანი კომბოსტო და ჩაასხით 200 მლ წყალი. შუშეთ 10-15 წუთი, სანამ მთელი სითხე არ დაშრება და ყვავილოვანი კომბოსტოც არ მომზადდება. გადმოდგით ცეცხლიდან, დაამატეთ მარილი გემოვნებით და შეურიეთ იოგურტი. დატოვეთ ასე და გააგრილეთ.

ამოიღეთ ცომი შეფუთვიდან, გაშალეთ ერთი ფურცელი და დააფინეთ 30 სმ დიამეტრის ნამცხვრის ფორმის ძირზე ისე, რომ ცომი გვერდებზე გადმოეკიდოს. წაუსვით ზეითუნის ზეთი. ასეთივე წესით დაალაგეთ ცომის ყველა ფურცელი ერთმანეთზე — თითოეულს წაუსვით ზეთი და კიდეები გადმოკიდებული დატოვეთ. იმუშავეთ სწრაფად.

ცომზე მოათავსეთ მომზადებული ხორციანი შიგთავსი, გადააფარეთ ცომის კიდეები, ოდნავ წაუსვით ზეთი და მოაყარეთ ძირას თესლი. აცხვეთ 40 წუთის განმავლობაში 180 გრადუსამდე წინასწარ გახურებულ ღუმელში ოქროსფერი იერის მიღებამდე. გარნირად მშვენივრად გამოდგება მწვანე სალათი.