წიწილა ტაბაკა — რეცეპტი

კარგად გასუფთავებულ-გარეცხილი წიწილა სიგრძივად გაჭერით მკერდის ძვალზე, გაშალეთ წიგნივით და შიგნიდან კარგად გაამშრალეთ. სახსრებზე ხელისგულით მაქსიმალურად დააწექით , რათა წიწილა გახდეს სრულიად ბრტყელი. შემდეგ ორივე მხრიდან უხვად წაუსვით მსხვილი მარილი და და გააჩერეთ 8-10 წუთი.

ამასობაში გაახურეთ სქელძირიანი ტაფა (საუკეთესოა თუჯის), გაადნეთ ერბო და ჩადეთ წიწილა გადახსნილი მხრიდან ქვემოთ. ზემოდან დააფარეთ ბრტყელი თეფში და დაადეთ მძიმე საგანი (მაგ. წყლით სავსე ქვაბი ან მძიმე ქვა). შეწვით საშუალო ცეცხლზე 15 წუთის განმავლობაში, შემდეგ მოხსენით სიმძიმე, გადააბრუნეთ წიწილა კანის მხარეს, კვლავ დაადეთ სიმძიმე და შეწვით კიდევ 15 წუთი, სანამ იდეალურად ხრაშუნა, ოქროსფერ ქერქს არ მიიღებთ. შეგიძლიათ სურვილისამებრ გადაუსვათ დანაყული ნიორი ან აჯიკა,,,,ან მიირთვათ ტყემლით..