ტორტი "სურეალისტი" — რეცეპტი

შოკოლადის ცომის მოსამზადებლად დაგჭირდებათ კარაქი, კვერცხი, შოკოლადი, ფქვილი და შაქარი: ჯამში მოათავსეთ დაჭრილი კარაქი, დატეხილი შოკოლადი და გაადნეთ ორთქლის აბაზანაზე ან მიკროტალღურ ღუმელში.

ერთად ათქვიფეთ კვერცხი და შაქარი და დაუმატეთ გამდნარ შოკოლადს. ეტაპობრივად, დაამატეთ ფქვილი (თან ურიეთ) და შემდეგ კაკაოს ფხვნილი. ყველაფერს კარგად აურიეთ, ისე რომ არ დარჩეს ფქვილის კოშტები და შოკოლადის ცომიც მზადაა. ბლენდერის ჭიქაში მოათავსეთ ხაჭო, ბანანი, კვერცხი, შაქარი და კარგად დააბლენდერეთ. ხაჭოს ფენა მზადაა.

ტორტის ფორმას წაუსვით კარაქი/ზეთი და ჩაასხით შოკოლადის ცომის ნახევარი, ზემოდან კი ხაჭოს ფენის ნახევარი. შემდეგ დარჩენილი შოკოლადის ცომი და ისევ დარჩენილი ხაჭოს ფენა. ტორტის მთელ ზედაპირზე, სიღრმეზე გადაატარეთ ხის ჩხირი ფენების ასარევად და ჩახლართული ორნამენტის მისაცემად.

გამოაცხვეთ 180 °C-მდე წინასწარ გახურებულ ღუმელში 35-40 წუთის განმავლობაში. ტორტის მზადყოფნა შეამოწმეთ მშრალი ხის ჩხირით. აცადეთ ტორტს გაცივება, დაჭერით ულუფებად და მიიტანეთ სუფრასთან. გემრიელად მიირთვით.