ნაპოლეონი არაჟნის ფენოვანი ცომით — რეცეპტი

დაფაზე დაყარეთ ფქვილი, დაადეთ პატარა ნაჭრებად დაჭრილი ცივი კარაქი და ეს ყველაფერი დანით წვრილად აკეპეთ. ამის შემდეგ მოაგროვეთ კარაქიანი ფქივილი, გაუკეთეთ შუაში ორმო და შიგ ჩაასხით არაჟანი, ცოტა მარილი მოაყარეთ და მოზილეთ ცომი, შემდეგ მოაგუნდავეთ და შედგით მაცივარში რამდენიმე საათით. გამოცხობამდე გააბრტყელეთ და გადაკეცეთ, კიდევ ერთხელ გააბრტყელეთ და გადაკეცეთ 2-3-ჯერ. სულ ესაა —ცომი მზადაა.

დაყავით ცომი დაახლოებით 4-5-6 ნაწილად (როგორც გამოგივათ), გააბრტყელეთ და აცხვეთ ღუმელში 180 გრადუსზე დაახლოებით 30 წუთის განმავლობაში. კვერცხი და შაქარი ერთად ათქვიფეთ, დაამატეთ 1 ჭიქა ცივი რძე და ფქვილი, კარგად გადაურიეთ და ეს მასა ჩაასხით ადუღებულ 1/2 ლიტრ რძეში.

ხარშეთ გასქელებამდე, თან მუდმივად ურიეთ, მაგრამ არ აადუღოთ. გადმოდგით ცეცხლიდან, გააცივეთ, ათქვიფეთ რბილ კარაქთან და ვანილთან ერთად. სურვილისამებრ, კრემში შეგიძლიათ დაამატოთ 2-3 სუფრის კოვზი ბრენდი (კონიაკი).

მზა ფენები გამოიღეთ ღუმელიდან და აცადეთ გაცივება. შემდეგ თითოეულ ფენას წაუსვით კრემი (თან ერთი მეორეზე დააწყვეთ) და შედგით მაცივარში მთელი ღამით. დილით მოაჭერით ნაპირები (სიმეტრიული ფორმის მისაცემად), დაფხვენით დარჩენილი ნამცეცები, აურიეთ მოხალულ და წვრილად დაჭრილ ნიგოზს და ზემოდან მოაყარეთ დესერტს.