პიკანტური შოკოლადის ტრიუფელის ბრაუნი — რეცეპტი

დაამტვრიეთ შოკოლადის ფილები და მოათავსეთ ქვაბში. დაჭერით კარაქი, დაუმატეთ შოკოლადს და გააცხელეთ დაბალ ცეცხლზე, თან პერიოდულად ურიეთ. სანამ შოკოლადი და კარაქი მზადდება, აურიეთ ფქვილი, კაკაო, მარილი, გამაფხვიერებელი, დაფქული წითელი წიწაკა და გაცერით ეს მასა წვრილ საცერში.

როგორც კი შოკოლადი და კარაქი დადნება და გადაიქცევა ერთგვაროვან მასად, გადმოდგით ქვაბი ცეცხლიდან. მომზადებულ შოკოლადს დაუმატეთ ყავისფერი შაქარი და შაქრის ფხვნილი. ურიეთ მანამ, სანამ მთელი შაქარი არ გადნება. შოკოლადიან მასას თანდათანობით დაუმატეთ თითო თითო კვერცხი და გულდასმით ათქვიფეთ ხელის სათქვეფით.

ამის შემდეგ დაიწყეთ კაკაოსა და ფქვილის მომზადებული ნარევის დამატება სუფრის კოვზით, თან განუწყვეტლად ურიეთ, რომ კოშტები არ წარმოიქმნას. წინასწარ მოამზადეთ საცხობი ფორმა, რომელზეც სასურველია დააფინოთ საცხობი ქაღალდი და წაუსვათ კარაქი.

როგორც ყველა ინგრედიენტი გულდასმით აირევა, გადაიტანეთ ცომი საცხობ ფორმაში, თანაბრად გაანაწილეთ ნიჩბის დახმარებით და გამოაცხვეთ 180 გრადუს ტემპერატურაზე გახურებულ ღუმელში 35-40 წუთის განმავლობაში. ამის შემდეგ გამოიღეთ ნამცხვარი და როგორც კი გაცივდება, ამოიღეთ ფორმიდან, ზემოდან ოდნავ მოაყარეთ კაკაოს ფხვნილი, დაჭერით სასურველ ნაწილებად.