ტარხუნის ღვეზელი — რეცეპტი

თბილ რძეში გახსენით საფუარი და შაქარი და გააჩერეთ 10-15 წუთით, სანამ საფუარი გააქტიურდება. თასში გაცერით ფქვილი, დაუმატეთ მარილი, საფუარიანი რძე და გამდნარი კარაქი. მოზილეთ ფაფუკი, ნაზი ცომი. ზილეთ მინიმუმ 10 წუთი, სანამ ხელებს ადვილად არ მოსცილდება. გადააფარეთ თასს ნოტიო ტილო და დადგით თბილ ადგილას ასაფუებლად დაახლოებით 1 საათით.

ამასობაში ტარხუნის ნაზი ნაწილები და მწვანე ხახვი კარგად გარეცხეთ და წვრილად დაჭერით. ტაფაზე კარაქში მსუბუქად მოშუშეთ მწვანილი სულ 2 წუთით. მოხარშული კვერცხები დაჭერით წვრილად ან გახეხეთ სახეხზე და შეურიეთ მოშუშულ ტარხუნას, მოაყარეთ გემოვნებით მარილი და შავი პილპილი.

ცომი გაყავით ორ ნაწილად, გააბრტყელეთ ერთი ფენა, დააფინეთ ფქვილმოყრილ საცხობ ფირფიტაზე, მოაყარეთ გულსართი და კარგად თანაბრად გადაანაწილეთ, დააფარეთ ცომის მეორე ფენა, შემოუკეცეთ გვერდები და მოუკარით თავი. ზემოდან გადაუსვით კვერცხის გულისა და რძის ნაზავი, რომ ლამაზი ოქროსფერი ღვეზელი გამოგივიდეთ. გამოაცხვეთ 190 გრადუსზე 30-35 წუთის განმავლობაში.