საშობაო იხვი ვაშლით — რეცეპტი

მოამზადეთ იხვი: კარგად გარეცხეთ, გაამშრალეთ და ჩამოაჭერით ცხიმის მსხვილი ნაჭრები. კანი ყველა მხრიდან კარგად მოტრუსეთ, კიდევ ერთხელ გარეცხეთ, გაამშრალეთ და ხის კბილის ჩხირით დაჩხვლიტეთ იმ ადგილებში, სადაც ბევრი კანქვეშა ცხიმია (ბარკლებთან, მკერდსა და ზურგზე). ფრინველს შიგნიდან და გარედან წაუსვით მარილი და დატოვეთ 15-20 წუთით. ამის შემდეგ მთელ ტანზე დანის წვერით მცირედ ჩაჩხვლიტეთ და თითოეულში ჩასვით გასუფთავებული ნივრის კბილი (ან ნივრის თხელი ფირფიტები).

მოამზადეთ მარინადი: სუფთა ჭურჭელში მოათავსეთ მაიონეზი, მდოგვი და დაფქული სხვადასხვა პილპილის ნაზავი. სუფრის კოვზით კარგად აურიეთ ერთგვაროვანი კონსისტენციის მიღებამდე.

დამარინადეთ იხვი: მიღებული მარინადი უხვად წაუსვით იხვის ტანს შიგნიდან და გარედან (განსაკუთრებით ფრთების ქვეშ და ბარკლებს შორის). ფრინველი გადაიტანეთ ღრმა თასში, გადააკარით კულინარიული ცელოფანი და შედგით მაცივარში 40-60 წუთით.

მოამზადეთ ვაშლი: გავრეცხეთ რამდენიმე მწიფე, მკვრივი ტკბილ-მჟავე ვაშლი და გაამშრალეთ ქაღალდის პირსახოცით. გაყავით თითოეული 2 თანაბარ ნაწილად, ამოჭერით გული და დაჭერით 2-2.5 სმ სისქის ნაჭრებად. ღუმელი ჩართეთ და გაახურეთ 180°C-მდე.

40-60 წუთის შემდეგ გამოიღეთ იხვი მაცივრიდან და მუცლის ღრუ ამოავსეთ ვაშლის ნაჭრებით. ღიობი და კისრის არე მჭიდროდ დაფიქსირეთ ხის ჩხირებით ან ამოაკერეთ სქელი ნემსითა და საცხობი ძაფით ისე, რომ შიგთავსი გარეთ არ გამოვიდეს.

საცხობი ტომრიდან (სახელოდან) მოჭერით იხვის სიგრძეზე ნახევრით მეტი ნაჭერი. მოათავსეთ მასში ვაშლით ამოვსებული იხვი და დალუქეთ ორივე მხრიდან სპეციალური მომჭერებით (კლიპსებით ან შეკარით ძაფით). ფრინველი გადაიტანეთ საცხობ ლანგარზე მკერდით ზემოთ და მოათავსეთ გაცხელებულ ღუმელში საშუალო თაროზე.

აცხვეთ გაანგარიშებით: 1 კგ იხვზე — 40 წუთიდან 1 საათამდე (2-2.5 კგ-იან იხვს დასჭირდება დაახლოებით 2.5-3 საათი). სრულ მზადყოფნამდე 10-15 წუთით ადრე საცხობი ტომრის ზედა მხარეზე გააკეთეთ სიგრძივი ჩაჭრა და გადაშალეთ. მზადყოფნის შემდეგ გამორთეთ ღუმელი, დატოვეთ ფრინველი შიგნით 2 წუთით, შემდეგ ფრთხილად გადაიტანეთ დიდ ბრტყელ თეფშზე და ცხლად მიიტანეთ სუფრასთან! გემრიელად მიირთვით.