სამარხვო ფლავი ბოსტნეულითა და ჩირეულით — რეცეპტი

გაასუფთავეთ ხახვი და დაჭერით ნახევარრგოლებად. ნიორს მოაცილეთ ზედა ფურცლები და დატოვეთ მხოლოდ ყველაზე თხელი ფენა. სტაფილო გაასუფთავეთ. დაჭერით ის თხელ ჩხირებად. კომში გარეცხეთ, გაჭერით 8 ნაწილად და ამოაჭერით გული თესლებითურთ. რბილობი დაჭერით პატარა ნაჭრებად. ჩირი ჩაყარეთ საწურზე და გარეცხეთ თბილი, გამდინარე წყლით. შეამშრალეთ ქაღალდის ხელსახოცზე. გარგარის ჩირი (კურაგა) დაჭერით თხელ ზოლებად.

სქელძირიან დიდ ქვაბში გააცხელეთ მცენარეული ზეთი. ჩაყარეთ ხახვი, მორევით შეწვით 3 წუთის განმავლობაში. დაამატეთ მომზადებული სტაფილო და კომში, 5 წუთის შემდეგ შემწვარ ბოსტნეულსა და კომშს დაუმატეთ მთლიანი ნივრის თავი, კურაგა, ქიშმიში და სანელებლების ნარევი. უხვად მოაყარეთ მარილი. ჩაასხით 700 მლ წყალი, აურიეთ და ხარშეთ საშუალო ცეცხლზე 10 წუთი.

პარალელურად, ფლავისთვის ბრინჯი გადაწურვის მეთოდით მოამზადეთ. ამისათვის ჩაყარეთ ქვაბში და მოაყარეთ მარილი. დაასხით დიდი რაოდენობით მდუღარე წყალი, აურიეთ და შედგით საშუალო ცეცხლზე. მიიყვანეთ ადუღებამდე, კიდევ ერთხელ აურიეთ და ხარშეთ ბრინჯი 15 წუთი. გადაწურეთ საწურზე.