ინგრედიენტები
6 პორციამომზადება
მოხარშეთ ბრინჯი, ცალკე გაახურეთ ტაფა, დაასხით ცოტა ზეითუნის ზეთი, აიღეთ გაყინული ბოსტნეულის შეკვრა და ჩაყარეთ ტაფაში. იდეალურად გამოდგება ბოსტნეულის მექსიკური ნარევი. შუშეთ ორიოდე წუთი. დაამატეთ ბულიონის ერთი კუბიკი, მარილი და შავი პილპილი. დაასხით ჭიქა ადუღებული წყალი, აურიეთ და შუშეთ სითხის დაშრობამდე.
როდესაც წყალი დააშრება, ბოსტნეული გადაწიეთ ტაფის ნახევარზე, მეორე ნახევარზე დაამატეთ ათქვეფილი ორი კვერცხი და ურიეთ, რომ კვერცხი ერთ ფენად არ შეიკრას. როგორც კი კვერცხი მიიღებს ერბო-კვერცხის კონსისტენციას, შეურიეთ იგი ბოსტნეულს და გადაიტანეთ ეს ყველაფერი ცალკე ჭურჭელში.
ტაფა დააბრუნეთ ქურაზე, დაამატეთ კარაქი და დააყარეთ მოხარშული ბრინჯი. დაამატეთ სოიოს სოუსი და აურიეთ. დაამატეთ პაპრიკა, ხმელი ნიორი, შავი პილპილი და კიდევ ერთხელ აურიეთ. დაამატეთ ბოსტნეულისა და კვერცხის ნარევი, უკანასკნელად ამოურიეთ და ზემოდან მოაყარეთ სეზამის თესლი. ბრინჯი ჩინურად მზადაა. გემრიელად მიირთვით.
შეაფასე ეს რეცეპტი
მსგავსი რეცეპტები
კომენტარები (0)
შესვლა — კომენტარის დასაწერად საჭიროა შესვლა.
ჯერ კომენტარები არ არის. იყავი პირველი!