ფშაური ხინკალი — რეცეპტი

დიდ თასში გაცერით ფქვილი, გაუკეთეთ შუაში ღრმული, მოაყარეთ 1 სუფრის კოვზი მარილი და ნელ-ნელა ჩაასხით ყინულივით ცივი წყალი. დაიწყეთ ცომის მოზელა ცენტრიდან ნაპირებისკენ. ხინკლის ცომის მოზელვა მოითხავს დიდ ფიზიკურ ძალას. ზილეთ მინიმუმ 15 წუთის განმავლობაში, სანამ მასა არ გახდება სრულიად მკვრივი, გლუვი და ერთგვაროვანი. მოზელილი მყარი ცომი შეახვიეთ საკვებ პარკში და დაასვენეთ 30 წუთით (ეს აუცილებელია, რომ ცომი ელასტიური გახდეს და გაბრტყელებისას არ დაიხეს).

ხორცი და ხახვი ერთად დაკეპეთ ან გაატარეთ ხორცსაკეპში მსხვილ საჭრელზე, დაუმატეთ ხმელი ბეგქოდარა, შავი პილპილი, დარჩენილი მარილი და ნელ-ნელა შეაზილეთ თბილი წყალი, სანამ ხორცი სითხეს სრულად არ შეიწოვს (ფარში უნდა იყოს წვნიანი, მაგრამ არა თხევადი).

დასვენებული ცომი გააბრტყელეთ, სპეციალური საჭრელი ფორმით ან ჭიქით დაჭერით წრეებად და გააბრტყელეთ თხელ მრგვალ ფირფიტებად. ფირფიტის ცენტრში მოათავსეთ 1 სუფრის კოვზი ფარში, ნაპირები მოახვიეთ ნაოჭ-ნაოჭ, თავზე მყარად მოუკარით კუჭი (კუჭი დიდი არ უნდა გამოგივიდეთ)და ასე მოახვიეთ ყველა ფირფიტა.

დიდ ქვაბში, მდუღარე მარილიან წყალში ფრთხილად ჩააყარეთ ხინკლები და ხის კოვზით ფრთხილად დაურიეთ წყალს, ხინკალი ძირს რომ არ მიეკრას. როცა ხინკლები ამოტივტივდება და მუცლით მაღლა გადაბრუნდება, ხარშეთ კიდევ 6-7 წუთი და ამოიღეთ ლანგარზე. მოაყარეთ შავი პილპილი და მიირთვით ცხელ-ცხელი.