ფხვიერი ღვეზელი ლიმონის შიგთავსით — რეცეპტი

ჯამში გააერთიანეთ მშრალი ინგრედიენტები: ფქვილი, მარილი (1/2 ჩ. კოვზი), საჭმლის სოდა (1 ჩ. არა სავსე). ცილა მოაშორეთ კვერცხის გულის და ცალკე ჯამში მოათავსეთ კვერცხის გულები. კვერცხის გულებს დაამატეთ შაქარი (1 ჭიქა) და ათქვიფეთ შეთეთრებამდე. ათქვეფილ კვერცხის გულებს დაამატეთ დარბილებული კარაქი (180 გრ) და ისევ ათქვიფეთ.

მშრალი ინგრედიენტების ჯამს დაამატეთ კვერცხისა და კარაქის ნარევი და ცომი კარგად მოზილეთ. ცომი გაყავით ორ თანაბარ ნაწილად. საცხობ ქაღალდზე დადეთ ცომის ერთი ნაწილი, გააბრტყელეთ 0,5 - 0,7 სმ სისქის ფენად. გადაიტანეთ საცხობი ქაღალდი გაბრტყელებულ ცომთან ერთად საცხობ ლანფარზე.

შიგთავსისთვის: ლიმონს მოაცილეთ ცედრა, მოაშორეთ თეთრი, მწარე ნაწილი და ბლენდერით დააქუცმაცეთ ცედრა, ლიმონის ნაჭრებ და შაქარი. ცომის ფენაზე მოათავსეთ ლიმონის შიგთავსი. ცომის მეორე ნაწილი გაატარეთ ხორცსაკეპ მანქანაში და თანაბრად გადაანაწილეთ შიგთავსზე. შედგით 180 - 190°C-მდე გახურებულ ღუმელში და აცხვეთ დაახლოებით 25 - 30 წუთი მზადყოფნამდე. მზა ნამცხვარი გადმოიღეთ ფორმიდან, ჩამოაჭერით ნაპირები და დაჭერით ულუფებად.