იხვის ფეხი გოგრის და ხახვის სოუსით — რეცეპტი

კარგად მოტრუსეთ იხვის ფეხები, გარეცხეთ და მოხარშეთ ხახვთან, სტაფილოსთან და ნიახურთან ერთად. შემდეგ ამოიღეთ და გააგრილეთ. მინანქრისთვის ტაფაში შეურიეთ სოიოს სოუსი, თაფლი და წვრილად დაჭრილი კაიენის წიწაკა. გააცხელეთ ნაზავი თაფლის დადნობამდე და წაუსვით მინანქარი მოხარშული იხვის ნაჭრებს. დაალაგეთ იხვის ხორცი საცხობ ლანგარზე და შედგით 180 გრადუსამდე გაცხელებულ ღუმელში 15 წუთით.

ხახვის სოუსის მოსამზადებლად წვრილად დაჭრილი ხახვი და დანაყილი პილპილის მარცვლები მოშუშეთ მცენარეულ ზეთში იხვის ბულიონის (300 მლ) დამატებით.

გამომშრალი პომიდვრის მოსამზადებლად ჩერის პომიდვრები გაჭერით შუაზე და დაალაგეთ პერგამენტით დაფარულ საცხობ ლანგარზე. დაადეთ პომიდორის თითოეულ ნაჭერს ნივრის ფირფიტა, დაამატეთ ბეგქონდარა და მოასხით მცენარეული ზეთი. ტკბილი გემოს მისაცემად მოაყარეთ შაქრის ფხვნილი. გამოაშრეთ ღუმელში 70 გრადუს ტემპერატურაზე 2 საათის განმავლობაში. გარნირისთვის გოგრა დაჭერით მსხვილ კუბებად, მოასხით ზეთი და გამოაცხვეთ. მზა იხვის ბარკლები მიირთვით ხახვის სოუსთან, გამომცხვარ გოგრასა და გამომშრალ პომიდორთან ერთად. გემრიელად მიირთვით.