იხვის მკერდი წიწიბურათი და გარგარის სოუსით — რეცეპტი

დაჭერით ხახვი და ნიორი. მოშუშეთ ქვაბში ზეითუნის ზეთში 2 წუთის განმავლობაში. დაამატეთ გავრეცხილი წიწიბურა და შუშეთ 2 წუთი. დაამატეთ თეთრი ღვინო და როზმარინი, შუშეთ კიდევ 2 წუთი. დაამატეთ ქვაბში 300 მლ წყალი და ადუღეთ 10 წუთი. დროის გასვლის შემდეგ ისევ დაამატეთ 100 მლ წყალი და ხარშეთ ყველაფერი (თან ურიეთ) 7-10 წუთი. მზა წიწიბურაში დაამატეთ ყველი მასკარპონე და გულდასმით აურიეთ.

გარეცხეთ იხვი და დასერეთ დანით. ტაფაზე, ზეთის დამატების გარეშე, შეწვით 3-3 წუთი ყველა მხრიდან. გადაიტანეთ იხვი საცხობ ფირფიტაზე, დაამატეთ მარილი/პილპილი/სანელებლები გემოვნებით, შედგით ღუმელში 15-20 წუთით 200 გრადუსზე.

გარეცხეთ გარგარის ჩირი და გადაიტანეთ ქვაბში, დაასხით ცივი წყალი, მიიყვანეთ ადუღებამდე, დაუწიეთ ცეცხლს და ხარშეთ 10 წუთი. გარგარის ჩირი წყალთან ერთად ათქვიფეთ ბლენდერით ერთგვაროვანი მასის მიღებამდე შაქრის დამატებით და გააცხელეთ ადუღებამდე. დაჭერით იხვი ულუფებად და გემრიელად მიირთვით წიწიბურასთან და სოუსთან ერთად.