იხვი სოკოთი და ყველის სოუსით — რეცეპტი

მოამზადეთ ყველის სოუსი: ქათმის კვერცხის გული განაცალკევეთ ცილისგან. გულს დაამატეთ ყველი „ფილადელფია“ (ან ნებისმიერი ნაღების ყველი) და კარგად აურიეთ. დაამატეთ 20%-იანი ნაღები, მარილი და ხელის სათქვეფით გულდასმით გადაურიეთ. მზა ყველის სოუსი გადაიტანეთ საკონდიტრო ტომარაში.

იხვის მკერდის ნაჭრები დაალაგეთ კანით ქვემოთ ცივ ტაფაზე. შეწვით 3-3 წუთის განმავლობაში თითოეული მხრიდან, შემდეგ გადაიტანეთ 180 გრადუსამდე გაცხელებულ ღუმელში 3-4 წუთით. გამოცხობის შემდეგ ხორცი გამოიღეთ ღუმელიდან და დატოვეთ 5 წუთით დასასვენებლად. ზედმეტი ცხიმის შესაწოვად იხვის მკერდი მოათავსეთ ქაღალდის ხელსახოცზე.

ხის სოკო გარეცხეთ, გაასუფთავეთ და დაჭერით მოგრძო ნაჭრებად. შეწვით იგი იმავე ტაფაში, იხვისგან დარჩენილ ცხიმში (დაახლოებით 3-4 წუთი, ოქროსფერი ქერქის გამოჩენამდე). შემწვარ სოკოს დაამატეთ ტერიაკის სოუსი და ადუღეთ დაბალ ცეცხლზე სითხის დაშრობამდე, კარამელიზებამდე. იხვის მკერდი გააგრილეთ და დაჭერით ულუფებად.

თეფშზე დაალაგეთ შემწვარი სოკო და საკონდიტრო ტომარით უხვად მოასხით ყველის სოუსი. ზემოდან ფრთხილად დაალაგეთ დაჭრილი იხვის მკერდი, მოასხით ცოტაოდენი ტერიაკის სოუსი და გააფორმეთ რუკოლას ფოთლებით. ბოლოს რუკოლას ოდნავ მოვასხით ზეითუნის ზეთი. გემრიელად მიირთვით!