იხვი გლეხურად დაკუწული კომბოსტოს მწნილით — რეცეპტი

იხვს დაჭერით ულუფებად (ფრთები, მკერდი და ბარკლები) და მოაშორეთ ზედმეტი ცხიმი. იხვის დარჩენილ ნაწილს მოაცილეთ კანი და ცხიმი, მოათავსეთ ცივი წყლით სავსე ქვაბში და დადგით ცეცხლზე (დაახლოებით ნახევარი ლიტრი იხვის ბულიონი უნდა მიიღოთ). კანი და ცხიმი წვრილად დაჭერით და მოათავსეთ გაცხელებულ თუჯის ტაფაზე. საშუალო ცეცხლზე დაადნეთ ცხიმი, სანამ კანის ნაჭრები არ დაიბრაწება და ღია ყავისფერი არ გახდება, რის შემდეგაც ამოიღეთ ისინი ქაფქირით. ცეცხლს მოუმატეთ მაქსიმუმამდე. იხვის ნაჭრებს (ბარკლებს, ფრთებსა და მკერდს) წინასწარ წაუსვით მარილისა და დაფქული შავი პილპილის ნარევი და ჩააწყვეთ ადუღებულ ცხიმში კანით ქვემოთ. ორი წუთის შემდეგ ცეცხლს დაუწიეთ საშუალომდე, გადააბრუნეთ ნაჭრები მეორე მხარეს და შეწვით კიდევ 3 წუთი.

ამასობაში სტაფილო დაჭერით სქელ რგოლებად, ხახვი გაასუფთავეთ (მოზრდილი თავები გაჭერით შუაზე), ხოლო ნივრის კბილები ოდნავ დაჭყლიტეთ დანის ბრტყელი მხარით. შემწვარი ხორცი ამოიღეთ ტაფიდან და გადაწურეთ ზედმეტი ცხიმი (ჭურჭელში დატოვეთ დაახლოებით 100 მლ). ჩაყარეთ მასში ბოსტნეული და შეწვით კარგად

დაკუწული მჟავე კომბოსტო ხელი გაწურეთ და გადაავლეთ წყალი საწურში, რათა ძალიან მჟავე არ იყოს. კომბოსტო ჩადეთ ტაფაში და აურიეთ. ზემოდან მოაყარეთ გარეცხილი შავი ქლიავი და ქიშმიში. დაალაგეთ იხვის ნაჭრები, დაამატეთ ბეგქონდარა და დაფნის ფოთოლი. ყველაფერს დაასხით გამზადებული იხვის ბულიონი ისე, რომ მან მხოლოდ კომბოსტო დაფაროს (ხორცი ორთქლზე მომზადდება).

როგორც კი სითხე ადუღდება, ტაფას დაახურეთ თავსახური და შედგით 180°C-მდე გაცხელებულ ღუმელში დაახლოებით 2 საათით. კერძთან ერთად მიირთვით მოხარშული კარტოფილი კარაქით და კამით! გემრიელად მიირთვით.