ღუმელში გამომცხვარი კარტოფილის ნავები სოკოთი, ბეკონით და მოხეხილი ყველით — რეცეპტი

კარგად გარეცხილი კარტოფილი გაამშრალეთ, არ გაფცქვნათ და გაჭერით სიგრძეზე, შუაზე, 2 ნაწილად, ნავის ფორმა რომ მისცეთ. ჩაჩხვლიტეთ ჩანგლით ან კბილის ჩხირით, ყველა მხრიდან წაუსვით მცენარეული ზეთი და გამოაცხვეთ 180 გრადუსამდე გაცხელებულ ღუმელში 60 წუთის განმავლობაში. მომზადების დრო დამოკიდებულია კარტოფილის ჯიშსა და ზომაზე. ბეკონი დაჭერით ჩხირებად.

ქამა სოკოს მოაცალეთ აპკი და დაჭერით წვრილ კუბებად. ყველი გახეხეთ წვრილ სახეხზე. მწვანილიც წვრილად დაჭერით. ტაფაზე 3-4 წუთის განმავლობაში შეწვით ბეკონი, დაუმატეთ სოკო და კიდევ ამზადეთ 3-5 წუთი სითხის დაშრობამდე. გამზადებული შიგთავსი გადაიტანეთ გასაგრილებლად.

კარტოფილის გამომცხვარ ნაჭრებს ფრთხილად ამოუღეთ გული და გადაიტანეთ ჯამში. კარტოფილის შიგთავსს დაუმატეთ კარაქი, შეაზავეთ სანელებლებით და გადაზილეთ პიურედ. დაუმატეთ გაგრილებული ბეკონი სოკოსთან ერთად, გახეხილი ყველის დიდი ნაწილი და ყველაფერი კარგად აურიეთ. გასინჯეთ გემოზე და საჭიროებისამებრ დაუმატეთ სანელებლები (გემოვნებით).

კარტოფილის ნავები ამოავსეთ კარტოფილის, ბეკონის, სოკოსა და ყველის მასით. ზემოდან მოაყარეთ დარჩენილი გახეხილი ყველი და კვლავ შედგით 200 გრადუსამდე გაცხელებულ ღუმელში 10-15 წუთით, რათა ყველი დადნეს და ოდნავ დაიბრაწოს. მზა კარტოფილი გადაიტანეთ თეფშზე, მორთეთ მწვანილით და მიიტანეთ სუფრასთან.