ღორის ხორცის რულეტი სოკოს შიგთავსით — რეცეპტი

ღორის ხორცი გარეცხეთ და გააშრეთ. გაჭერით ხორცი სიბრტყეზე წრიულად ისე, რომ მიიღოთ ერთი მთლიანი, თხელი ფენა. ხორცს მოაყარეთ პილპილი და მარილი. ქამა სოკო და ხახვი გაასუფთავეთ და დაჭერით წვრილად. ტაფაზე მოასხით ზეთი, მოშუშეთ სოკო ხახვთან ერთად 10-15 წუთის განმავლობაში და გადაიტანეთ ჯამში. თეთრი პური ქერქის გარეშე დაჭერით ძალიან მცირე ზომის კუბებად და დაამატეთ სოკოსა და ხახვს.

ოხრახუში გარეცხეთ, წვრილად დაჭერით და დაამატეთ სოკოს, ხახვსა და პურს. ნიორი გაფცქვენით, წვრილად დაკეპეთ და დაამატეთ შიგთავსს. შემდეგ მოაყარეთ მარილი და პილპილი გემოვნებით და აურიეთ. გადაიტანეთ შიგთავსი ღორის ხორცზე და გადაანაწილეთ მთელ ზედაპირზე.

დაახვიეთ ხორცი რულეტად, ზემოდან მოაყარეთ მარილი და შეკარით კულინარიული ძაფით. მოათავსეთ რულეტი საცხობ სახელოში და გამოაცხვეთ ღუმელში 190-200 გრადუს ტემპერატურაზე 60-80 წუთის განმავლობაში. თუ ხორცს ხის ჩხირით ჩხვლეტისას გამოუვა გამჭვირვალე წვენი, ესე იგი რულეტი მზადაა. გააციეთ კერძი მაცივარში და ღორის ხორცის რულეტი სოკოთი მზადაა. დაჭერით სასურველი სისქის რგოლებად და მიიტანეთ სუფრასთან. გემრიელად მიირთვით.