ღომი — რეცეპტი

ღერღილი მოათავსეთ დიდ თასში, დაასხით ცივი წყალი და ხელით გარეცხეთ. წყალი გადაღვარეთ ზედაპირზე ამოტივტივებულ ჩენჩოსთანნ ერთად. ეს პროცედურა გაიმეორეთ 5-7-ჯერ, სანამ წყალი აბსოლუტურად გამჭვირვალე არ გახდება. გარეცხილი ღერღილი გადაიტანეთ თუჯის ან სქელძირიან ქვაბში, დაასხით წყალი და დადგით მაღალ ცეცხლზე. ადუღებისთანავე დაუწიეთ ტემპერატურას მინიმუმამდე და ხარშეთ, სანამ წყალს მთლიანად არ შეიშრობს. შემდეგ ქვაბში ნელნელა ჩაამატეთ სიმინდის ფქვილი და თან ხის ჩოგნით, ტალღოვანი მოძრაობებით ზილეთ, რათა ფქვილი სრულად გაიხსნას და კოშტები არ წარმოიქმნას. ქვაბს მჭიდროდ დააფარეთ თავსახური, დატოვეთ მინიმალურ ალზე 15 წუთიT. მზა ღომი კიდევ ერთხელ გადაზილეთ და სველი ჩოგნით ამოიღეთ თეფშებზე.