გამომცხვარი კარტოფილი — რეცეპტი

გააცხელეთ ღუმელი 170°C-მდე. მოამზადეთ არომატული ზეთი სამარხვო კარტოფილისთვის. ნიორი დაჭყლიტეთ, ბლენდერის ჭიქაში ჩაასხით 120 მლ მცენარეული ზეთი, დაუმატეთ ნიორი და მუსკატის კაკალი (ჯავზი) დაფქული, ათქვიფეთ ერთგვაროვანი მასის მიღებამდე.

კარტოფილს გააცალეთ კანი და დაჭერით ძალიან თხელი სისქის რგოლებად. გაასუფთავეთ ხახვი და დაჭერით კარტოფილის სისქის რგოლებად. გამხმარი ტყის სოკო ჩაყარეთ სუფთა ყავის საფქვავში ან სანაყში და დააქუცმაცეთ ფხვნილად. ასევე შესაძლებელია ბლენდერში დაქუცმაცებაც. ყურადღება მიაქციეთ: სოკო უნდა იყოს დაფქული მაქსიმალურად წვრილად.

ნივრიანი ზეთით შეზეთეთ საცხობი ფორმა. დაალაგეთ კარტოფილის რგოლების ფენა ოდნავ გადაფარებით, მოაყარეთ ხახვი, სოკოს ფხვნილი, მარილი და პილპილი, მოასხურეთ ნივრიანი ზეთი. ამგვარად დაალაგეთ ყველა ფენა. ბოლო ფენა უნდა იყოს კარტოფილი, მოყრილი სოკოს ფხვნილით.

ფრთხილად, გვერდიდან ჩაასხით 2 ჭიქა სასმელი წყალი ისე, რომ ფენები არ დაირღვეს. შედგით კარტოფილი ღუმელში. გამოაცხვეთ 45 წუთის განმავლობაში ისე, რომ კარტოფილი დაიბრაწოს. სუფრაზე მიიტანეთ ცხელი.