ბოცვერი ბერძნულად — რეცეპტი

ბოცვერი კარგად გარეცხეთ და დაჭერით ულუფებად. ნაჭრებს ყველა მხრიდან მოაყარეთ მარილი, ამოავლეთ ხორბლის ფქვილში და შეწვით მზესუმზირის ზეთში კარგად გახურებულ ტაფაზე, სანამ ყველა მხრიდან ოქროსფრად არ დაიბრაწება. დაბრაწული ბოცვრის ნაჭრები ტაფიდან გადაიტანეთ თეფშზე. ხახვი გაასუფთავეთ და დაჭერით პატარა კუბებად. პომიდორს მოაცილეთ კანი და გაატარეთ ხორცსაკეპ მანქანაში ან დააბლენდერეთ.

იმ ტაფაში, სადაც ბოცვერი იწვებოდა, შეწვით ხახვი ოდნავ ოქროსფერი იერის მიღებამდე. დაამატეთ პომიდვრის პიურე და მაღალ ცეცხლზე სოუსი მიიყვანეთ ადუღებამდე, დაამატეთ მარილი და პილპილი გემოვნებით. ტომატისა და ხახვის სოუსში მოათავსეთ მანამდე შემწვარი ბოცვრის ნაჭრები. ასევე დაამატეთ ზეთისხილი (შეგიძლიათ გამოიყენოთ როგორც კურკით, ისე უამისოდ, მთლიანი ან დაჭრილი).

ნიორი გაფცქვენით, წვრილად დაჭერით და დაამატეთ სოუსს ბოცვერთან ერთად. ისევ მიიყვანეთ სოუსი ადუღებამდე, დაუწიეთ ცეცხლს, დააფარეთ ტაფას თავსახური და ადუღეთ დაახლოებით 30 წუთის განმავლობაში (ამ დროის განმავლობაში ბოცვრის ნაჭრები რამდენჯერმე გადააბრუნეთ). ბოცვერი ბერძნულად მზადაა. გემრიელად მიირთვით.