სიბასის ფილე თეთრი ნაღების სოუსით — რეცეპტი

სიბასის ფილე გარეცხეთ და კარგად შეამშრალეთ ქაღალდის პირსახოცით. წაუსვით ზეთი საცხობ ლანგარს და თანაბრად გაანაწილეთ მასზე წვრილად დაჭრილი ხახვი. ფილეს მოაყარეთ მარილი და პილპილი, თითოეული ნაჭერი გადაახვიეთ რულეტად და მოათავსეთ ლანგარზე. ზემოდან მოასხით ლიმონის წვენი და მოაყარეთ ბექონდარა. საცხობ ლანგარში დაასხით თევზის ბულიონი და ზემოდან მჭიდროდ დააფარეთ საცხობი ქაღალდი ან ფოლგა. გამოაცხვეთ 180 გრადუს ტემპერატურაზე წინასწარ გახურებულ ღუმელში 20 წუთის განმავლობაში.

გამოიღეთ თევზი ღუმელიდან, გადაწურეთ ბულიონი პატარა ქვაბში (სოუსისთვის დაგჭირდებათ), ხოლო თევზი გადადგით თბილ ადგილას. (თბილ ადგილად სრულიად გამოდგება ღუმელი, სადაც მანამდე თევზი მზადდებოდა, უბრალოდ მჭიდროდ დააფარეთ ფოლგა, რომ არ გამოშრეს.

თეთრი ნაღების სოუსი საჭირო ინგრედიენტები: 3 კვერცხის გული, 500 მლ გადაწურული თევზის ბულიონი, 100 გრამი დარბილებული კარაქი, წვრილად დაჭრილი ახალი ოხრახუში და ტარხუნა.

აადუღეთ გადაწურული ბულიონი და ადუღეთ მანამდე, სანამ მისი მოცულობა 1/2 ჭიქამდე არ შემცირდება. მიწვის საწინააღმდეგო საფარის მქონე ღრმა ტაფაში მოათავსეთ კვერცხის გულები და მუდმივი მორევით, თხელი ნაკადით ჩაასხით ბულიონი. მიიყვანეთ მიღებული სოუსი ადუღებამდე და დაუყოვნებლივ გადმოდგით ცეცხლიდან. გააცივეთ, ათქვიფეთ დარბილებულ კარაქთან ერთად და დაამატეთ ოხრახუში და ტარხუნა. გადაიტანეთ თევზი შემთბარ თეფშებზე და მოასხით სოუსი.