სამარხვო კარტოფილი შამპინიონებით ღუმელში — რეცეპტი

კარტოფილს გააცალეთ კანი, დაჭერით თხელ რგოლებად. გადაიტანეთ ქვაბში, დაასხით კარტოფილს ცხელი წყალი. შეაზავეთ მცირე რაოდენობით მარილით და დადგით ქურაზე. ადუღების შემდეგ ხარშეთ დაბალ ცეცხლზე 5 წუთის განმავლობაში. გადაწურეთ ცხელი წყალი.

ხახვი გაასუფთავეთ, დაჭერით რგოლებად ან ნახევარრგოლებად. შეწვით მცენარეულ ზეთში ოქროსფერამდე. გაასუფთავეთ შამპინიონები და დაჭერით ნაჭრებად. დაამატეთ სოკო ხახვს. შეწვით მორევით, დაბალ ცეცხლზე 7 წუთის განმავლობაში.

გაასუფთავეთ და დაჭყლიტეთ ნიორი. დაამატეთ ხახვიან სოკოს. ჩაასხით ცოტა წყალი (ნახევარი ჭიქა ან ცოტა მეტი). მოაყარეთ მარილი და პილპილი. თუშეთ 5 წუთი საშუალოზე ძლიერ ცეცხლზე.

გადმოდგით სოკო და ხახვი ცეცხლიდან. დაამატეთ სამარხვო მაიონეზი, აურიეთ. საცხობ ფორმაში ფენებად ჩააწყვეთ კარტოფილი და სოკო ხახვთან ერთად სოუსში. აცხეთ დაახლოებით 30 წუთის განმავლობაში 180°C ტემპერატურაზე.