სამარხვო ბოსტნეული კარტოფილი ფრით — რეცეპტი

ბადრიჯანი გარეცხეთ, დაჭერით პატარა კუბიკებად. წიწაკა გარეცხეთ, გაჭერით შუაზე და ამოაჭერით გული, რბილობი დაჭერით კუბიკებად. ხახვი გაასუფთავეთ და დაჭერით ნახევარრგოლებად. შამპინიონები გარეცხეთ, გაჭერით ოთხ ნაწილად.

ტაფაზე გააცხელეთ მცენარეული ზეთი, შეწვით ბადრიჯანი, წიწაკა და ხახვი 4 წუთის განმავლობაში. დაუმატეთ შამპინიონები, შეწვით ძლიერ ცეცხლზე, მორევით, კიდევ 4 წუთი. ჩაასხით ტომატის სოუსი, მოაყარეთ მარილი გემოვნებით, შეამცირეთ ცეცხლი, დააფარეთ თავსახური. თუშეთ ბოსტნეული 10 წუთი. დაამატეთ ლობიო წვენთან ერთად. აურიეთ და თუშეთ 5 წუთი.

კარტოფილს გააცალეთ კანი და დაჭერით სიგრძეზე (ფრის ფორმებად). გააცხელეთ ღუმელი 220°C-მდე. საცხობ ფირფიტაზე დაასხის ცოტაოდენი ზეთი და დაყარეთ მომზადებული კარტოფილი, მოაყარეთ მარილი და გამოაცხვეთ დაახლოებით 15 წუთი, სანამ კარტოფილი ოქროსფერ ფერს არ მიიღებს. კერძის ცენტრში მოათავსეთ მოთუშული ბოსტნეული, გვერდებზე კი – კარტოფილი. შემწვარ კერძს (ჟარკოეს) მოაყარეთ წვრილად დაჭრილი ოხრახუში.