აჭარული ბაქლავა — რეცეპტი

თასში ათქვიფეთ კვერცხი, რძე, კარაქი, ძმარი და მარილი. ნელ-ნელა დააყარეთ გაცრილი ფქვილი და ხელით გულდასმით მოზილეთ ძალიან ნაზი, ელასტიური ცომი (მინიმუმ 15 წუთი ზილეთ). ცომი გაყავით 30-40 პატარა გუნდად, დააფარეთ ნესტიანი ტილო და დაასვენეთ 40 წუთი. ამასობაში მოამზადეთ სიროფი: შაქარი, წყალი, თაფლი და ლიმონის წვენი ერთად ადუღეთ 10 წუთი შესქელებამდე და გააცივეთ. თითოეული მცირე გუნდა სიმინდის სახამებლის გამოყენებით გააბრტყელეთ უკიდურესად თხლად (თითქმის გამჭვირვალე, ქაღალდისებრ ფენად).

საცხობ ფორმას წაუსვით კარაქი. ჩაფინეთ პირველი 5 ფენა სათითაოდ, ყოველ ფენას ფუნჯით უხვად წაუსვით გამდნარი კარაქი. ამის შემდეგ, ყოველ მომდევნო 1-2 ფენაზე თანაბრად მოაყარეთ ნიგვზის გულსართი და კვლავ გააგრძელეთ ფენების დაგება კარაქის წასმით, სანამ ფენები არ ამოიწურება. ზედა 5 ფენას გულსართი არ მოაყაროთ. ბასრი დანით ბაქლავა ფრთხილად დაჭერით ტრადიციულ რომბებად (ბოლომდე ნუ ჩაჭრით ძირს). მოასხით დარჩენილი გამდნარი კარაქი. გამოაცხვეთ 160 გრადუსზე დაახლოებით 1.5 - 2 საათი (ნელა უნდა გამოშრეს და ოქროსფერი გახდეს). ღუმელიდან გამოღებულ ცხელ ბაქლავას სასწრაფოდ მოასხით ცივი სიროფი (შერბეთი). დატოვეთ 24 საათი წვენის სრულად შესაწოვად.