ალუბლის სოუსი ხორცისთვის — რეცეპტი

კურკაგაცლილი ალუბალი მოათავსეთ ქვაბში, ხელით ან ბლენდერით მსუბუქად დაჭყლიტეთ (მაგრამ არა სრულ პიურედ, არამედ ისე, რომ პატარა ნაჭრები დარჩეს). დადგით დაბალ ცეცხლზე და ადუღეთ 10 წუთი, სანამ არ შესქელდება და წვენი არ განახევრდება. ნიორი, ახალი ქინძი და წიწაკა ერთად დანაყეთ ან დააბლენდერეთ. ალუბლის მასას დაუმატეთ დანაყილი მწვანილი, ნიორი, წიწაკა, ხმელი სუნელები, შაქარი და მარილი, კარგად აურიეთ და ადუღეთ კიდევ 3-5 წუთი, დაბალ ცეცხლზე და გადმოდგით. ეს სოუსი იდეალურად მიესადაგება შემწვარ ძროხის ნეკნებს, გოჭის ხორცსა და ფრინველის ხორცს.